112

REGISTRES DU BUREAU [i5o5]

. sonner ordinairement pour ung an commençant le jourd'huy, si comme, etc.; promettant, etc., obligeant, etc., renonçant, etc.

«Fait ie lundi quinziesme jour de Septembre, l'an mil cinq cens et cinq. "

Ainsi signé: Berthelemy etPiTEUR, noteres⁽¹⁾.

CXCIL — Octroy du pié fourché, du poisseon de mer et du vin trait hors Paris,

ET DE XX S. T. SUR CHASCUN LETZ DE HARAN TANT BLANS QUE SORS.

3 novembre i5o5. (Fol. i48 v°.) <-)

"LOYS, par ia grace de Dieu Roy de France, à noz amez et feaulx les gens de nostre Court de Parlement, de noz Comptes, Generaulx tant sur le fait et gouvernement de noz Finances que de noz Aides, et à tous noz autres justiciers et officiers ou à leurs lieuxtenans, salut et delection.

"L'umble supplicacion de noz chers et bien amez les Prevost des Marchans et Eschevins, bourgois, manans et habitans de nostre bonne ville de Paris avons receue, contenant que par deux noz lettres patentes : les unes données à Orleans le xix^cjour de Decembre mil iiii^c mn" xix ⁽³⁾, et les autres à Paris le xx^c jour de Fevrier mil cinq cens et ung <⁴⁾, nous leur octroyasmes certains aydes au long en icelles decle-rez, pour les deniers qui en viendraient estre par eulx convertiz en la redifficacion de l'un des pons de lad. ville nommé le pont Nostre Dame, lequel par cas fortuyt estoit auparavant tumbe en ruyne. Au moien desquelz aides et octroiz, lesd, supplians ont depuis fait besongner continuellement à la redifficacion dudit pont de pierre et grosse maçonnerie à grans et sumptueulx fraiz et despens, ausquelz impossible leur seroit fournir ne continuer led. ediffice, obstant les autres grans charges qu'ilz ont à supporter; et seroit led. ediffice en voye de demourer infiny, sans avoir ne lever encores pour quelque temps lesd, aides lesquelz viennent de briefe expirer, ou avoir autre nouvelle provision de nous, requerant icelle;

"Pourquoy, nous, ces choses considérées et la necessité urgente dudit pont, voulans et desirans la briefve perfection d'iceluy: pour ces causes et autres consideracions à ce nous mouvans, avons à iceulx supplians octroyé et octroyons, voulons et nous plaist de grace especial par ces presentes que, durant le

temps de trois ans prochains ensuyvans et consecutifz commançans au jour de l'expiracion de nostred, precedant octroy <⁵⁾, ilz et leurs successeurs, soient lesd. Prevostz des Marchans, Eschevins ou autres Gouverneurs de la police et conmunaulté de lad. ville de Paris, puissent lever et prendre ou face lever et prendre ou nom d'icelle les aides qui s'ensuivent, c'est assavoir :

k Sur chascun beuf qui entrera tant es faulxbourgtz et ville de Paris ou marché et ailleurs, quatre solz parisis ;

" Sur chascune vache, deux solz parisis ; " Sur chascun pourceau, douze deniers ; "Et sur chascun mouton, brebiz ou veau, six deniers parisis ;

k Sur le poisson de mer amené et vendu ou marché et ailleurs en lad. ville six deniers pour livre; "Sur chascun lestz de haren tant blanc que sort, passant par icelle ville et faulxbourgtz et non vendu en icelle, seize solz parisis;

"Sur chascune queue de vin thiré et mené hors lad. ville par les marchans et bourgoys d'icelle, troys solz parisis;

« Et sur chascun muy de vin semblablement mené et thiré hors lad. ville par lesd, marchans d'icelle, dix huit deniers parisis, tant des prevelegiez que non prevelegiez, en quelque maniere ne pour quelque personne que ce soit ⁽⁰> ;

k Pour tous lesd, deniers qui en viendront etystront estre convertiz et emploiez en l'ediffice et construction dud. pont et non ailleurs; et lesquelz deniers ilz feront recevoir par le Receveur d'icelle Ville ou ses commis, ainsi que bon leur semblera, en y contraignant et faisant contraindre tous les marchans, vendeurs

^(I) Le bas de la page est resté en blanc. Puis viennent, au fol. 146 et suiv., nos articles ci-dessous CXCIII à CXCV en dale dus 22 et 2 3 novembre, et io décembre i5o5.

⁽⁸⁾ Au Registre, cet article vient après notre n° CXCV ci-dessous, en date du io décembre i5o5 , et précède immédiatement noire n° CXCVI en date du 6 février *5o6.

⁽³⁾ Ci-dessus, art. XIV.

C Ces secondes lettres n'ont pas été transcrites au Registre.

^(s) Voir page 98, notes 2 et 3.

(^ Sur l'octroi du "pié fourché,n voir la note 4 de la page 98.